Heb 8 | GbrGAW | STEP | Ɓedakpakalayi nu nyi. Yesu Kristi wo nu zhin pirist dnagmayi. Owo asese ba n lo n eshe mi nu n kun-sun n Shekwoyi, n wo bwaizhe bwa.

Hebrews 8

Yesu Na Ga Sadaka

1 Ɓedakpakalayi nu nyi. Yesu Kristi wo nu zhin pirist dnagmayi. Owo asese ba n lo n eshe mi nu n kun-sun n Shekwoyi, n wo bwaizhe bwa. 2 Owo nu zhin yi bmazhin yi n Shekwoyi abye, dna n tent n Shekwoyi wa mi n wohin, to ge n zanyikwoci abwa yim.

3 Pirist dnagmayi tnu-tnu nu wa zhin sadaka, ntu aza laifi ɓo. Wo dna n azanyikwoci a tan-tasin n Shekwoyi, ntu cenu dole wa ga sadaka. 4 N na alkawali kwo-kwo yi sa Yesu to ɓei ɓa bmiya dna ɓom, ntu ge wo to ɓei gmi n pirist bye nu m. Ntu cenu ato ɓei ɓa ye ge wo zhin tnu-tnu ye pya m. 5 Zokwo kwokwoyi nu ɓei zhin gnabye. Kwo nu ɓei zhin foto eshe nya. Ya gye shi na ɓei zhin lubui n wu. Wo ɓei gna Musa ge wo zhin lubui (tent) shi wo ɓo wu wo. 6 Amma Kristi pirist tnutnu ko du a pirist aje nya n daraja. Owo nu zhin bmazhin yi n Shekwoyi abye n saiye.

7 Shekwoyi awyidna kmisunyi ɓei dnaɓo na vi ba. Kwo to ɓo bma zhin. Ntu cenu wa je do ga. 8 Shekwoyi n wohin tukwo, wa cige, “dnawye esa ɓelo nɓa zhin alkawali n Israila yi ɓodo n Yahudiyi yi. 9 Mi ɓei la alkawali kwo-kwo yi wu ntu ge efya dada to ɓei shi kwo bwam-sanu ɓa ɓei kun n Masar nyi. Alkawali kwo-kwoyi ɓei wu gbo n woi-woyi.” 10 Dagayi wa gna ge mi ɓa zhin alkawali ye n na Israila yi, wyihoi nɓa dna ɓa emi awyidna nɓa bugba. Nɓa ze oɓa Shekwoyi ɓahin ɓa ze ema za. 11 Nsahi, ato ɓei je zaho-zahoi nya wun, ntucenu ato ɓei ye a malami nɓa ɓo wuza Dagayi m, “Zaho-zahoi ɓei kpe mi ye, ɓinayi n na zadnagmayi, Vinya aɓei kpe mi ye. 12 Mi ɓei gye ɓa sun-sun dna nɓa aba bwi, mi ɓei ku ɓa laifi zamwi.”

Shiri Kwo-Kwoyi

13 Shekwoyi wa gna ge wola awyidna kwo-kwoyi ga avun, woi la woi-woyi ga.